368.53
Կարեն Սարգսյանն ընդունել է ՄԱԿ-ի փորձագետներին
2 րոպեի ընթերցում
Գեղարքունիքի մարզպետ Կարեն Սարգսյանն ընդունել է ՄԱԿ-ի փորձագետներ Բրայան Էլիսոնին և Ալեն Մկրտչյանին՝ նրանց հետ քննարկելով մարզում առաջիկա տարիներին ՄԱԿ-ի զարգացման ծրագրերի ռազմավարության մշակման ուղղությամբ համագործակցություն ծավալելու հետ կապված հարցեր։
Ինչպես «Արմենպրես»-ին տեղեկացրին Գեղարքունիքի մարզպետի աշխատակազմից, հանդիպման ընթացքում հյուրերը նշել են, որ ՄԱԿ-ի գրասենյակի կողմից առաջիկա 3-5 տարիների համար մշակվում է կարողությունների զարգացմանն ուղղված ռազմավարական ծրագիր, որը պետք է ունենա ավելի համակարգված ու թիրախավորված բովանդակություն և կարիքների համարժեք գնահատում, որտեղ անհրաժեշտ կլինի Գեղարքունիքի մարզպետի աշխատակազմի հետ համագործակցությունը։
Կարեն Սարգսյանը ներկայացրել է ՄԱԿ-ի կողմից վերջին տարիների ընթացքում մարզում իրականացված բազմաբնույթ ծրագրերը և դրանց արդյունքները՝ շեշտելով, որ բոլոր ուղղություններում Գեղարքունիքի մարզպետի աշխատակազմի հետ համագործակցությունը բավականաչափ ակտիվ ու արդյունավետ է ստացվել, ու միաժամանակ վստահեցրել, որ այսուհետ էլ կպահպանվեն և նոր առաջընթաց կգրանցեն այդ ձեռքբերումները։
Մարզպետն առաջարկել է որպես թիրախային կարևոր ուղղություն ավելի շատ կենտրոնանալ սահմանամերձ բնակավայրերում փոքր բիզնեսի աջակցման, ինչպես նաև առողջապահության, գյուղատնտեսության և բնապահպանության ոլորտներում հրատապ ու առաջնահերթ խնդիրների կարգավորումն ապահովող ծրագրերի ներգրավման վրա։
Բաժանորդագրվեք մեր ալիքին Telegram-ում