1 րոպեի ընթերցում
Գեղարքունիքի մարզի Գավառ համայնքի Լճափ գյուղի միջնակարգ դպրոցի մարզադահլիճի վերանորոգման աշխատանքներն ավարտվել են։ Շինաշխատանքները, որոնց մեկնարկը տրվել էր 2025 թվականի հունիսից, իրականացվել են պետբյուջեի միջոցների հաշվին։
Ինչպես «Արմենպրես»-ին տեղեկացրեց Լճափի միջնակարգ դպրոցի տնօրեն Անահիտ Մովսիսյանը, վերանորոգման աշխատանքների պայմանագրային արժեքը կազմել է 17 միլիոն 219 հազար դրամ։ Շինարարական աշխատանքների արդյունքում վերանորոգվել են մարզադահլիճի հատակը, սանհանգույցները, հանդերձարանները, միջանցքը, դռներն ու պատուհանները, իրականացվել են ներքին հարդարման աշխատանքներ։ Ծրագրի երկրորդ փուլով նախատեսվում է ջեռուցման համակարգի անցկացում ու մարզագույքի ձեռքբերում։
Ծրագրի իրականացման շնորհիվ Լճափի միջնակարգ դպրոցի աշակերտներն արդեն ֆիզկուլտուրայի դասերն անցկացնում են միանգամայն բարվոք ու ժամանակակից պայմաններում։