1 րոպեի ընթերցում
Երևանի «Նոա» ֆուտբոլային ակումբի ֆուտբոլիստ Հովհաննես Հարությունյանը լավ մարզավիճակում է մոտենում Կոնֆերենցիաների լիգայի անցումային փլեյ-օֆֆի նիդեռլանդական «ԱԶ Ալկմար»-ի դեմ խաղին:
«Մենք շատ լավ ուսումնամարզական հավաք ունեցանք: Երկար ժամանակ բաց էի թողել, սակայն հիմա լավ մարզավիճակում եմ ու պատրաստ եմ առաջիկա հանդիպմանը: Մենք գիտենք, որ «ԱԶ Ալկմար»-ը բարձրակարգ թիմ է, բայց շատ լավ ենք ուսումնասիրել նրանց»,- «Արմենպրես»-ի հաղորդմամբ` լրագրողների հետ նախախաղային մամուլի ասուլիսի ժամանակ ասաց Հարությունյանը:
Վերջինիս խոսքով` «Նոա»-ի ֆուտբոլիստները գիտեն «ԱԶ Ալկմար»-ի թե ուժեղ կողմերը, թե թույլը:
«Մեզ համար պատմական պահ է ու մենք ամեն ինչ անելու ենք, որ ուրախացնենք մեր երկրպագուներին»,-առանձնացրեց նա:
Ֆուտբոլի Կոնֆերենցիաների լիգայի անցումային փլեյ-օֆֆ փուլի «Նոա»-«ԱԶ Ալկմար» հանդիպումը կկայանա փետրվարի 19-ին, Վազգեն Սարգսյանի անվան Հանրապետական մարզադաշտում։ Խաղը կմեկնարկի ժամը 21:45-ին: