Գերմանիայի ԱԳ նախարարը անբավարար է համարել Եվրոպայի ինքնիշխանությանն ուղղված Ֆրանսիայի ջանքերը
1 րոպեի ընթերցում
Գերմանիայի արտաքին գործերի նախարար Յոհան Վադեֆուլը Փարիզի ջանքերն անբավարար է որակել եվրոպական ինքնիշխանության նպատակին հասնելու համար։
«Ֆրանսիայի նախագահը բազմիցս և իրավացիորեն խոսել է եվրոպական ինքնիշխանության մեր ձգտումների մասին: Այս մասին խոսող յուրաքանչյուր ոք պետք է համապատասխանաբար գործի իր սեփական երկրում: Ցավոք Ֆրանսիայի ջանքերը բավարար չեն այս նպատակին հասնելու համար», - ինչպես հաղորդում է «Արմենպրես»-ը, վկայակոչելով «ՌԻԱ Նովոստի»-ին, այս մասին Գերմանիայի ԱԳ նախարարն ասել է Deutschlandfunk ռադիոկայանի եթերում:
2025 թվականի նոյեմբերին Բունդեսթագը Գերմանիայի 2026 թվականի պաշտպանական բյուջեն մեծացրել է մինչև մոտավորապես 108 միլիարդ եվրո։ Միջոցները հիմնականում կօգտագործվեն ռազմական տեխնիկայի և զինամթերքի ձեռքբերման համար, որոնց զգալի մասը կֆինանսավորվի վարկերի միջոցով։