Հունգարիան և ԱՄՆ-ն միջուկային էներգիայի ոլորտում համագործակցության համաձայնագիր կստորագրեն

Միացյալ Նահանգները և Հունգարիան կստորագրեն քաղաքացիական միջուկային էներգիայի ոլորտում համագործակցության վերաբերյալ միջկառավարական համաձայնագիր: «Արմենպրես»-ի փոխանցմամբ՝ այս մասին հայտնում է ABC News-ը։

Փաստաթուղթը կստորագրվի փետրվարի 16-ին Բուդապեշտում՝ ԱՄՆ պետքարտուղար Մարկո Ռուբիոյի և Հունգարիայի վարչապետ Վիկտոր Օրբանի միջև բանակցություններից հետո։

Հունգարիայի արտաքին գործերի նախարար Պետեր Սիյարտոն հայտարարել է, որ համաձայնագիրը «չափազանց կարևոր» է և հույս է հայտնել, որ այն կօգնի Հունգարիային ապահովել իր էներգետիկ անվտանգությունը:

«Ատոմային էներգիան երկարաժամկետ հեռանկարում ցածր կոմունալ ծառայությունների գները պահպանելու գործիք է», - գրել է Սիյարտոն Facebook-ում։