1 րոպեի ընթերցում
Վրաստանի արտաքին գործերի նախարար Մակա Բոչորիշվիլին փետրվարի 9-10-ը պաշտոնական այցով կմեկնի Հունգարիա։
«Արմենպրես»-ի փոխանցմամբ՝ այս մասին հայտնում է Սպուտնիկ գործակալության վրացական ծառայությունը։
Հաղորդվում է, որ այցի ընթացքում Մակա Բոչորիշվիլին կհանդիպի Հունգարիայի արտաքին գործերի և առևտրի նախարար Պետեր Սիյարտոյի հետ, որից հետո նախարարները հանդես կգան մամուլի հայտարարություններով։
Նախատեսված է նաև հանդիպում Հունգարիայի Ազգային ժողովի նախագահ Լասլո Կյովերի հետ։
Նշվում է, որ Վրաստանի ԱԳ նախարարն այցի շրջանակներում ելույթ կունենա Բուդապեշտի «Գլոբալ երկխոսություն» միջազգային համաժողովում։