Ռոդրիգեսը հայտնել է Թրամփի և Ռուբիոյի հետ հեռախոսազրույցի մասին

Վենեսուելայի նախագահի պաշտոնակատար Դելսի Ռոդրիգեսը հայտնել է ԱՄՆ նախագահ Դոնալդ Թրամփի և ԱՄՆ պետքարտուղար Մարկո Ռուբիոյի հետ հեռախոսազրույցի մասին։

«Ես հեռախոսազանգ եմ ստացել ԱՄՆ նախագահ Դոնալդ Թրամփից և պետքարտուղար Մարկո Ռուբիոյից, զրույցի ընթացքում քննարկվել է երկու երկրների կողմից մշակվող աշխատանքային օրակարգը», - «Արմենպրես»-ի փոխանցմամբ, ասել է Ռոդրիգեսը Venezolana de Televisión հեռուստաալիքի եթերում։

Նա նշել է, որ զրույցի ընթացքում քննարկվել են կարևոր հարցեր, այդ թվում՝ Վենեսուելայի օդային տարածքում առևտրային թռիչքների սահմանափակումների վերացումը։