1 րոպեի ընթերցում
Արեգակի՝ Երկրի կողմից չդիտարկվող կողմում հունվարի լույս 24-ի գիշերն արձանագրվել է կրկնակի մեծ պայթյուն։ «Արմենպրես»-ի հաղորդմամբ՝ այս մասին հայտնում է Ռուսաստանի գիտությունների ակադեմիայի Տիեզերական հետազոտությունների ինստիտուտի Արեգակնային աստղագիտության լաբորատորիան։
«Անցած գիշեր Արեգակի հակառակ կողմում գրանցվել է շատ մեծ կրկնակի պայթյուն։ Այդ կողմում տակավին չկա որևէ արբանյակ, և կարելի է միայն կռահել, թե ինչ է տեղի ունեցել»,-նշված է լաբորատորիայի տարածած հաղորդագրությունում։
Նշվում է նաև, որ ակտիվության ենթադրյալ կենտրոնները տեսանելի կլինեն Երկրից, եթե դրանք պահպանվեն հինգ օր։