1 րոպեի ընթերցում
ԱՄՆ-ի նախագահ Դոնալդ Թրամփի վարչակազմը քննարկում է Կուբայի ռազմածովային շրջափակումը՝ դեպի նշված երկիր նավթի մատակարարումները դադարեցնելու համար։ «Արմենպրես»-ի փոխանցմամբ՝ այս մասին տեղեկացնում է Deutsche Welle-ն։
Այդ քայլը ցանկանում են ձեռնարկել Կուբայի կառավարության որոշ քննադատներ ամերիկյան վարչակազմի ներսում, և այն աջակցվում է պետքարտուղար Մարկո Ռուբիոյի կողմից: Այդ միջոցառումը կհաստատվի, թե ոչ, վերջնական որոշում դեռևս չի կայացվել, սակայն նավթի ներմուծման վրա լիակատար շրջափակման սահմանումը այն տարբերակների շարքում է, որոնք կարող են առաջարկվել Թրամփին՝ Կուբայի կոմունիստական կառավարությունը տապալելու համար։
Այնուամենայնիվ, ամերիկյան վարչակազմի ներսում շարունակվում են բանավեճերը նման արմատական քայլի նպատակահարմարության վերաբերյալ: Վենեսուելայից նավթի մատակարարումների ընդհատումը, ինչպես նաև այդ ծավալների մի մասի վերավաճառքից եկամտի կորուստը, որոնք Հավանան օգտագործում էր արտարժույթ վաստակելու համար, արդեն լրջորեն թուլացրել են Կուբայի տնտեսությունը: Նավթի ներմուծման լիակատար դադարեցումը կարող է մարդասիրական ճգնաժամի պատճառ դառնալ, ուստի ամերիկյան վարչակազմի որոշ պաշտոնյաներ դեմ են նման միջոցառումներին։