1 րոպեի ընթերցում
Ամերիկայի Միացյալ Նահանգները ևս 8 ընկերություն է ներառել Իրանի դեմ պատժամիջոցների ցանկում։ «Արմենպրես»-ի փոխանցմամբ, ինչպես հայտնում է ՏԱՍՍ-ը, այս մասին նշված է ԱՄՆ Ֆինանսների նախարարության ենթակայության տակ գտնվող Օտարերկրյա ակտիվների համակարգմամբ զբաղվող ծառայության կայքում։
Պատժամիջոցները սահմանվել են Հնդկաստանում, Լիբերիայում, Արաբական Միացյալ Էմիրություններում, Օմանում, Սեյշելյան և Մարշալյան կղզիներում գրանցված 8 նավթագազային և տրանսպորտային ընկերությունների նկատմամբ։ Ցանկում ընդգրկվել է ևս 8 նավթային հածանավ։
Սահմանված պատժամիջոցներով ԱՄՆ-ում սառեցվում են նշված ընկերությունների բանկային հաշիվները, իսկ Միացյալ Նահանգների քաղաքացիներին և նրանց ընկերություններին արգելվում է գործակցել պատժամիջոցների ենթարկված կազմակերպությունների հետ։