Հայաստանի շուրջ վերջին գործընթացների նկատմամբ դրական վերաբերմունք կա ամենուրեք․ Ալեն Սիմոնյան
1 րոպեի ընթերցում
Ազգային ժողովի նախագահ Ալեն Սիմոնյան ճեպազրույցի ընթացքում անդրադարձել է Հայաստանի շուրջ վերջին տարիներին ընթացող քաղաքական գործընթացների միջազգային արձագանքներին՝ ընդգծելով, որ դրանց նկատմամբ հիմնականում դրական վերաբերմունք կա։
«Արմենպրես»-ի հաղորդմամբ՝ ԱԺ նախագահն ասել է, որ դրական մոտեցում է նկատվում թե՛ Եվրոպայում, թե՛ ԱՄՆ-ում, ինչպես նաև հարևան պետություններում՝ Թուրքիայում, Վրաստանում, Իրանում և Ադրբեջանում։
«Դուք նկատել եք, որ Հայաստանում այս վերջին տարիների գործընթացի նկատմամբ դրական վերաբերմունք կա ամենուրեք՝ Եվրոպայում, ԱՄՆ-ում, մեր բոլոր հարևանների մոտ՝ Թուրքիա, Վրաստան, Իրան, Ադրբեջան, բացի մեր ընդդիմադիր որոշ շրջանակներից և ռուսական որոշ պրոպագանդիստներից»,– ասաց ԱԺ նախագահը։
Ալեն Սիմոնյանի խոսքով՝ նույնիսկ Ռուսաստանի իշխանությունն է դրական բան խոսում, որովհետև քաղաքական առումով ավելի ինֆորմացված է, ավելի լավ է տիրապետում իրավիճակին։