1 րոպեի ընթերցում
Հայաստանի շախմատի կանանց և տղամարդկանց առաջնություններում կայացել են 6-րդ տուրի պարտիաները:
«Արմենպրես»-ի հաղորդմամբ` կանանց մրցաշարում հաղթանակ են տոնել Աննա Խաչատրյանը, Մարիամ Ավետիսյանը, Նվարդ Հայրապետյանը, Աստղիկ Հակոբյանն ու Սոնա Կրկյաշարյանը:
Այժմ մրցաշարային աղյուսակի միանձնյա առաջտարը 5 միավորով Աստղիկ Հակոբյանն է:
Տղամարդկանց մրցաշարում միավորը կիսել են Արթուր Դավթյան- Տիգրան Հարությունյան, Կարեն Գրիգորյան- Զավեն Անդրիասյան զույգերը: Հաղթանակի են հասել Սարգիս Սարգսյանը, Արամ Հակոբյանն ու Մանուէլ Պետրոսյանը:
Տղամարդկանց առաջնությունում առաջատարները երեքն են` Արթուր Դավթյան, Զավեն Անդրիասյան և Մանուէլ Պետրոսյան: Նրանք ունեն 4-ական միավոր:
Հայաստանի առաջնության 7-րդ տուրը կկայանա հունվարի 19-ին: