Ոչ մի սպառնալիք չի ազդելու մեզ վրա ոչ Ուկրաինայում, ոչ Գրենլանդիայում․ Մակրոնի արձագանքը՝ Թրամփի որոշումներին

2 րոպեի ընթերցում

ԵՄ-ից միասնական և համակարգված պատասխան է խոստացել Թրամփի կողմից նոր մաքսատուրքեր սահմանելու որոշմանը

Ֆրանսիայի նախագահ Էմանուել Մակրոնը հայտարարել է, որ Ֆրանսիան հավատարիմ է ազգերի ինքնիշխանությանը և անկախությանը Եվրոպայում և այլուր։

«Արմենպրես»-ի փոխանցմամբ՝ Ֆրանսիայի նախագահն այդ մասին գրել է X-ի իր միկրոբլոգում՝ արձագանքելով ԱՄՆ նախագահ Դոնալդ Թրամփի հայտարարությանը Գրենլանդիան ԱՄՆ-ին միացնելու իր ծրագրերին դեմ երկրների համար ներմուծման նոր մաքսատուրքեր սահմանելու մասին։ Հիշեցնենք, որ ԱՄՆ նախագահը հայտարարել է Դանիայից, Նորվեգիայից, Շվեդիայից, Ֆրանսիայից, Գերմանիայից, Մեծ Բրիտանիայից, Նիդեռլանդներից և Ֆինլանդիայից ներմուծվող ապրանքների համար 10 տոկոս մաքսատուրք է սահմանվելու, իսկ հունիսի 1-ից այն կհասնի 25 տոկոսի։ ԱՄՆ նախագահը հայտարարել է, որ մաքսատուրքերը կգործեն այնքան ժամանակ, քանի դեռ Գրենլանդիայի հարցով գործարքը չի կայանա։

«Ֆրանսիան հավատարիմ է ազգերի ինքնիշխանությանը և անկախությանը Եվրոպայում և այլուր։ Մենք սրանով ենք առաջնորդվում։ Այն հիմք է հանդիսանում ՄԱԿ-ի և նրա Կանոնադրության նկատմամբ մեր հանձնառության համար։ Այս հիմքի վրա է, որ մենք աջակցում ենք և կշարունակենք աջակցել Ուկրաինային, և մենք ստեղծել ենք ամուր և երկարատև խաղաղության համար կամավորների կոալիցիա՝ այս սկզբունքները և մեր անվտանգությունը պաշտպանելու համար։

Այս հիմքի վրա է նաև, որ մենք որոշեցինք մասնակցել Դանիայի կողմից Գրենլանդիայում կազմակերպված զորավարժություններին։ Մենք լիովին ընդունում ենք այս որոշումը, քանի որ Արկտիկայում և Եվրոպայի ծայրամասերում անվտանգությունը սպառնալիքի տակ է։

Ոչ մի սպառնալիք չի ազդի մեզ վրա՝ ո՛չ Ուկրաինայում, ո՛չ Գրենլանդիայում, ո՛չ էլ աշխարհի որևէ այլ վայրում, երբ մենք բախվենք նման իրավիճակների։

Մաքսային սպառնալիքները անընդունելի են և տեղ չունեն այս համատեքստում։ Եվրոպացիները կարձագանքեն միասնական և համակարգված ձևով, եթե դրանք հաստատվեն։ Մենք կապահովենք, որ եվրոպական ինքնիշխանությունը պահպանվի։ Այս ոգով ես կհամագործակցեմ մեր եվրոպացի գործընկերների հետ»,- գրել է Մակրոնը։

Հայերեն العربية Русский

Մեկնարկել են «Անվտանգ տարի փրկարարի հետ» իրազեկման և ուսուցման դասընթացները․ մասնակցել է ավելի քան 900 քաղաքացի

Քաղաքացիները կկարողանան եկամտային հարկից հատկացումներ կատարել ՀԿ-ներին, լրատվամիջոցներին և կուսակցություններին

Գավառ համայնքում հայտնի են «Վոլեյբոլի դպրոցականների լիգա» մրցաշարի համայնքային փուլի հաղթող թիմերը

Փաշինյանը ցավակցություն է հայտնել Թբիլիսիում պայթյունի հետևանքով զոհվածների հարազատներին

Շիրակի քրեական ոստիկանները թմրանյութի իրացումների շղթա են բացահայտել

Հայաստանում անցկացվել է ԵԱՏՄ անդամ պետությունների մաքսային ծառայությունների միավորված կոլեգիայի 56-րդ նիստը

ԵԽ ներկայացուցիչների հետ քննարկվել են մարզական մրցումների մեքենայությունների դեմ պայքարի ազգային հարթակի ստեղծման հարցերը

Հրազդանում կստեղծվի տեխնոլոգիական քոլեջ. առաջին ընդունելությունը նախատեսվում է 2027 թվականին

Թվային լուծումներ՝ մեկ էկոհամակարգում․ IDBank-ը՝ DigiTec 2026-ում

Firebird-ը Dell Technologies-ի հետ ընդլայնում է իր ԱԲ ենթակառուցվածքը Հայաստանում