Հայաստանը դառնում է միջազգային մեծ լոգիստիկ ուղիների կարևոր հանգույց. Արարատ Միրզոյան
1 րոպեի ընթերցում
Հայաստանն ապաշրջափակվում է և դառնում է միջազգային մեծ լոգիստիկ ուղիների կարևոր հանգույց։
«Արմենպրես»-ի փոխանցմամբ՝ այս մասին «Ֆեյսբուք»-ի իր էջում գրել է ՀՀ արտաքին գործերի նախարար Արարատ Միրզոյանը՝ անդրադառնալով TRIPP նախագծի իրագործման շրջանակի վերաբերյալ Հայաստանի և Միացյալ Նահանգների համատեղ հայտարարությանը։
«Կարդացեք։ Փաստաթուղթն իսկապես լավն է։
Լավն է Հայաստանի համար։ Մեր երկիրն ապաշրջափակվում է և դառնում միջազգային մեծ լոգիստիկ ուղիների կարևոր հանգույց։ Եվ դա` ո'չ որևէ կերպ Հայաստանի Հանրապետության ինքնիշխանության, տարածքային ամբողջականության և իրավազորության հաշվին։
Լավն է այն ընդունող մյուս կողմի` ԱՄՆ֊ի համար։ Լավն է մեր անմիջական հարևանների ու առհասարակ բոլոր հնարավոր շահառուների համար։ Եվ դա շատ լավ է, որովհետև հակառակ պարագայում այն ուղղակի չէր աշխատի։
Հ.Գ. Չեմ նախանձում դավադրապաշտներին ու մեր հանրությանն օրուգիշեր կործանում գուժողներին։
Լավ եղեք»,- գրել է Միրզոյանը։