1 րոպեի ընթերցում
Հայաստանի Հանրապետության հակակոռուպցիոն կոմիտեի կողմից իրականացված օպերատիվ-հետախուզական միջոցառումների արդյունքում նախաձեռնված քրեական վարույթի շրջանակում ձերբակալվել է 5 անձ։
«Արմենպրես»-ի հարցմանն ի պատասխան՝ այս մասին հայտնել են Հակակոռուպցիոն կոմիտեից։
Կոմիտեից հայտնում են, որ ձերբակալվածների թվում կան նաև ՀՀ պետական եկամուտների կոմիտեում ղեկավար պաշտոններ զբաղեցնող անձինք։
«Նրանք մեղադրվում են խմբով իշխանական լիազորությունները չարաշահելու մեջ: Նախաքննության շահերից ելնելով՝ այս պահին այլ մանրամասներ չենք կարող հայտնել»,- ասացին Հակակոռուպցիոն կոմիտեից։