2 րոպեի ընթերցում
Ամերիկյանը կողմը TRIPP նախագծի նախապատրաստական ընթացքի համար արդեն իսկ հատկացրել է 140 մլն դոլար:
«Արմենպրես»-ի հաղորդմամբ՝ այս մասին հայտարարեց ՀՀ վարչապետ Նիկոլ Փաշինյանը Կառավարության նիստից հետո լրագրողների հետ զրույցում:
«Այս պահի դրությամբ ես, ինչքան գիտեմ, 140 մլն դոլար արդեն հատկացված է ծրագրի նախապատրաստական ընթացքի համար»,-ասաց Փաշինյանը:
Ինչ վերաբերում է կոնկրետ ներդրումներին, ապա դրանք նախագծանախահաշվային հաշվարկների հետ են կապված: Վարչապետը, սակայն, ակնհայտ համարեց, որ ներդրումները մեծ են լինելու: Նրա խոսքով՝ հստակ թիվ նշել հնարավոր չէ:
Հայաստանն ու ԱՄՆ-ի համատեղ հայտարարություն են հրապարակել՝ TRIPP նախագծի իրականացման շրջանակի վերաբերյալ: Հայաստանը մտադիր է թույլատրել և աջակցել TRIPP զարգացման ընկերության հիմնմանը։ Ակնկալվում է, որ ընկերությունը պատասխանատու կլինի TRIPP-ի զարգացման համար՝ 49 տարի նախնական ժամկետով նրան տրամադրվող կառուցապատման իրավունքով։ Հայաստանը մտադիր է ԱՄՆ-ին առաջարկել TRIPP զարգացման ընկերության 74% մասնաբաժինը և պահպանել 26% մասնաբաժինը։ Ակնկալվում է, որ այս համագործակցությունը կերկարաձգվի ևս 50 տարով՝ Հայաստանի կառավարությանը հավելյալ սեփականության տրամադրմամբ նրա մասնաբաժինը դարձնելով 49%։