368.05
Վենեսուելայի սահմանադրական դատարանը որոշել է, որ երկրի նախագահի պարտականությունները կկատարի Դելսի Ռոդրիգեսը
1 րոպեի ընթերցում
Վենեսուելայի բարձրագույն դատարանի սահմանադրական պալատը վճռել է, որ Վենեսուելայի փոխնախագահ Դելսի Ռոդրիգեսը կկատարի երկրի նախագահի պարտականությունները Նիկոլաս Մադուրոյի բացակայության պայմաններում, որին ձերբակալել և Նյու Յորք են տեղափոխել ԱՄՆ հատուկջոկատայինները։
«Արմենպրես»-ի փոխանցմամբ՝ այս մասին հայտնում է Reuters-ը։
Նշվում է, որ Ռոդրիգեսը ստանձնում է Վենեսուելայի նախագահի պարտականությունները՝ ապահովելու ադմինիստրատիվ շարունակականությունն ու ազգի համապարփակ պաշտպանությունը։
Ավելի վաղ լուրեր էին շրջանառվում, որ Վենեսուելայի փոխնախագահ Դելսի Ռոդրիգեսը Մոսկվայում է։
Ամերիկյան լրատվամիջոցները հայտնել են, որ Նիկոլաս Մադուրոն պահվում է Բրուքլինի հետաքննական մեկուսարանում։ Նրան մեղադրանք է առաջադրվել թմրանյութեր և զենք պահելու հոդվածներով։ Մադուրոն ու նրա կինը դատարանի առաջ կկանգնեն Նյու Յորքում։
ԱՄՆ նախագահ Դոնալդ Թրամփը Կարակասում ԱՄՆ հատուկջոկատայինների իրականացրած օպերացիայից ու Նիկոլաս Մադուրոյին ձերբակալելուց հետո հայտարարել է, որ ԱՄՆ-ն ժամանակավորապես կկառավարի Վենեսուելան, մինչև այդ երկրում կհաստատվի ժողովրդի շահերը պաշտպանող իշխանություն։ Թրամփը հայտարարել է նաև Վենեսուելայի նավթային ռեսուրսների նկատմամբ վերահսկողություն սահմանելու մասին։
Բաժանորդագրվեք մեր ալիքին Telegram-ում