Ամերիկացի սենատորի տեղեկություններով՝ Վենեսուելայի ձերբակալված նախագահը կկանգնի ԱՄՆ դատարանի առջև
1 րոպեի ընթերցում
WASHINGTON, DC - AUGUST 04: Sen. Mike Lee (R-UT) speaks on the bipartisan infrastructure bill during a press conference at U.S. Capitol on August 04, 2021 in Washington, DC. The group of Senators criticized the bill for being too expensive and claim it will increase the debt, inflation and taxes. (Photo by Kevin Dietsch/Getty Images)
Ամերիկացի հանրապետական սենատոր Մայք Լին հայտարարել է, որ ԱՄՆ պետքարտուղար Մարկո Ռուբիոյից տեղեկացել է, որ Վենեսուելայի նախագահը ձերբակալվել է զինվորականների կողմից և կկանգնի ամերիկյան դատարանի առջև։
«Արմենպրես»-ի հաղորդմամբ՝ ինչպես փոխանցում է CNN-ը, սենատոր Մայք Լին այս մասին հայտարարել է X-ի միկրոբլոգում կատարած գրառման մեջ։
Նա մանրամասնել է, որ հեռախոսազրույց է ունեցել ԱՄՆ պետքարտուղար Մարկո Ռուբիոյի հետ, ում տեղեկատվության համաձայն Մադուրոն ձերբակալվել է ամերիկյան զինվորականների կողմից՝ քրեական մեղադրանքներով ԱՄՆ-ում քննության համար, իսկ դրան նախորդած ուժային գործողությունները ձեռնարկվել են ձերբակալող անձանց պաշտպանելու նպատակով։
Ավելի վաղ՝ ԱՄՆ նախագահ Դոնալդ Թրամփը հայտարարել է, որ Միացյալ Նահանգները լայնամասշտաբ հարված է հասցրել Վենեսուելային, որի նախագահ Նիկոլաս Մադուրոն ու նրա կինը ձերբակալվել ու դուրս են բերվել երկրից։