1 րոպեի ընթերցում
Գերմանիայի կանցլեր Ֆրիդրիխ Մերցը հայտարարել է ԵՄ-ի և Կանադայի ներկայացուցիչների միջև «Բեռլինի ձևաչափի» շրջանակում Ուկրաինայի հակամարտության խաղաղ կարգավորման շուրջ խորհրդակցությունների նոր փուլի վերաբերյալ։
Այդ մասին տեղեկացնում է «Արմենպրես»-ը՝ վկայակոչելով Գերմանիայի կանցլերի սոցցանցային X հարթակում արված գրառումը։
«Այսօր «Բեռլինի ձևաչափի» շրջանակում տեղի կունենա համաձայնությունների ևս մեկ փուլ եվրոպացի և կանադացի գործընկերների հետ», - գրել է Մերցը։
Նրա խոսքով՝ ձևաչափի մասնակիցները խթանում են խաղաղության գործընթացը։
«Այժմ բոլորից, այդ թվում՝ Ռուսաստանից, անհրաժեշտ է թափանցիկություն և ազնվություն», - հավելել է Գերմանիայի կանցլերը։