1 րոպեի ընթերցում
Հայաստանի Հանրապետությունը ցանկանում է ռազմավարական գործընկերության փաստաթուղթ ստորագրել Իրանի Իսլամական Հանրապետության հետ։
ՀՀ կառավարության նիստից հետո լրագրողների հետ ճեպազրույցի ժամանակ այս մասին ասել է ՀՀ վարչապետ Նիկոլ Փաշինյանը՝ պատասխանելով «Արմենպրես»-ի հարցին, թե ինչ նոր զարգացումների կարելի է սպասել 2026 թվականին Իրանի հետ հարաբերությունները խորացնելու ուղղությամբ, և արդյոք հնարավոր է երկու երկրները ռազմավարական գործընկերություն հաստատելու մասին փաստաթուղթ ստորագրեն։
«Իրանի Իսլամական Հանրապետության հետ մեր հարաբերությունները շատ բարձր մակարդակի վրա են, և մենք, այո՛, ցանկություն ունենք նաև Իրանի հետ ռազմավարական գործընկերության փաստաթուղթ ստորագրել»,-շեշտել է Հայաստանի վարչապետը։