Արթիկ համայնքի մանկապարտեզները 2026 թվականի հունվարի 1-ից կգործեն անվճար

Շիրակի մարզի Արթիկ համայնքի բոլոր մանկապարտեզները 2026 թվականի հունվարի 1-ից կգործեն անվճար: «Արմենպրես»-ի փոխանցմամբ՝ այս մասին տեղեկացրին Արթիկի համայնքապետարանից՝ նշելով, որ համայնքի ղեկավար Անան Ոսկանյանի առաջարկով՝ համայնքի ավագանու արտահերթ նիստում հավանություն է տրվել օրակարգային՝ համայնքի բոլոր 16 մանկապարտեզներն անվճար դարձնելու հարցին:

«Ավագանու նիստում ընդունված մեկ այլ որոշմամբ՝ մանկապարտեզներում մեկ երեխայի համար նախատեսված սննդի օրական չափաբաժինը 407 դրամից բարձրացվել է՝ սահմանվելով 600 դրամ»,-նշեցին Արթիկի համայնքապետարանից։