Հայաստանի ԱԳՆ-ն ցավակցել է Սիդնեյի Բոնդի լողափում տեղի ունեցած ահաբեկչության զոհերի ընտանիքներին

Հայաստանի Հանրապետության արտաքին գործերի նախարարությունը ցավակցություն է հայտնել Ավստրալիայի Սիդնեյ քաղաքի Բոնդի լողափում տեղի ունեցած կրակոցների հետևանքով զոհվածների ընտանիքներին։ 

«Արմենպրես»-ի հաղորդմամբ՝ համապատասխան ցավակցական գրառումը ՀՀ ԱԳ նախարարությունը կատարել է X-ի միկրոբլոգում։ 

Shocked by the shooting at #Sydney's Bondi Beach, causing the loss of many innocent lives. Armenia strongly condemns terrorism in all its forms & manifestations. Heartfelt condolences to the families of the victims & prayers for the speedy recovery of the injured.@dfat

— MFA of Armenia🇦🇲 (@MFAofArmenia) December 14, 2025

«Ցնցված ենք Սիդնեյի Բոնդի լողափում տեղի ունեցած կրակոցներից, որոնք բազմաթիվ անմեղ կյանքերի կորստի պատճառ են դարձել։ Հայաստանը խստորեն դատապարտում է ահաբեկչությունն՝ իր բոլոր ձևերով և դրսևորումներով։ Մեր խորին ցավակցություններ ենք հայտնում զոհերի ընտանիքներին և աղոթում վիրավորների արագ ապաքինման համար»,-նշված է Հայաստանի ԱԳ նախարարության տարածած գրառման մեջ։ 

Ավստրալիայում Խանուկայի տոնակատարության ժամանակ դեկտեմբերի 14-ին Սիդնեյի Բոնդի լողափում կրակոցներ են տեղի ունեցել։ Ականատեսների խոսքով՝ արձակվել է առնվազն 50 կրակոց, որի հետևանքով վերջին տվյալների համաձայն՝ զոհվել է 16 մարդ։ 

Ոստիկանությունը հայտնել է, որ երկու հարձակվողներից մեկը սպանվել է, մյուսը` ձերբակալվել։ 

Ոստիկանությունը դեպքը որակել է որպես ահաբեկչական գործողություն։