სომხეთის საგარეო საქმეთა სამინისტრომ სიდნეის ბონდი ბიჩზე განხორციელებული ტერაქტის მსხვერპლთა ოჯახებს მიუსამძიმრა

სომხეთის რესპუბლიკის საგარეო საქმეთა სამინისტრომ მწუხარება გამოთქვა ავსტრალიის ქალაქ სიდნეიში, ბონდი ბიჩზე სროლების შედეგად დაღუპულთა ოჯახების მიმართ․

„არმენპრესის“ ინფორმაციით, შესაბამისი სამძიმრის განცხადება გამოქვეყნდა სომხეთის საგარეო საქმეთა სამინისტროს X მიკრობლოგზე․

Shocked by the shooting at #Sydney's Bondi Beach, causing the loss of many innocent lives. Armenia strongly condemns terrorism in all its forms & manifestations. Heartfelt condolences to the families of the victims & prayers for the speedy recovery of the injured.@dfat

— MFA of Armenia🇦🇲 (@MFAofArmenia) December 14, 2025

„შეძრწუნებულნი ვართ სიდნეის ბონდი ბიჩზე მომხდარი სროლებით, რომელმაც მრავალი უდანაშაულო ადამიანის სიცოცხლე შეიწირა․ სომხეთი მკაცრად გმობს ტერორიზმის ყველა ფორმასა და გამოვლინებას. ღრმა მწუხარებას გამოვხატავთ მსხვერპლთა ოჯახებისადმი და ვლოცულობთ დაჭრილთა სწრაფი გამოჯანმრთელებისთვის“, – ნათქვამია სომხეთის საგარეო უწყების განცხადებაში․

ავსტრალიაში, ჰანუქას დღესასწაულის დროს, 14 დეკემბერს, სიდნეის ბონდი ბიჩზე სროლები მოხდა․ თვითმხილველების თქმით, გაისმა მინიმუმ 50 გასროლა. ბოლო მონაცემებით, დაიღუპა 16 ადამიანი․

პოლიციის ინფორმაციით, ორ თავდამსხმელს შორის ერთი მოკლულია, მეორე კი დაკავებულია․

პოლიციამ შემთხვევა ტერორისტულ თავდასხმად შეაფასა․