Հաստատվել է ՄԿՈՒ մասնագետների ատեստավորման ժամանակացույցը

Հայաստանի կրթության, գիտության, մշակույթի և սպորտի նախարարի հրամանով հաստատվել է արհեստագործական և միջին մասնագիտական կրթական ծրագրեր իրականացնող ուսումնական հաստատությունների մանկավարժական աշխատողի ատեստավորման ժամանակացույցը՝ ըստ ուղղությունների:

«Արմենպրես»–ի փոխանցմամբ՝ ԿԳՄՍ նախարարությունից հայտնում են, որ արհեստագործական և միջին մասնագիտական կրթական ծրագրեր իրականացնող ուսումնական հաստատությունների մանկավարժական աշխատողների 2025 թվականի ատեստավորումն անցկացվելու է հետևյալ օրերին և ժամերին.

Դեկտեմբերի 13-ին ժամը 10:00-ին Երևանի թիվ 20 հիմնական դպրոցում՝ 

• Ագրոնոմիա
• Ագրոտնտեսագիտական ֆերմերային տնտեսության կազմակերպում
• Անասնաբուժություն
• Ավտոմատացված համակարգեր
• Գրաֆիկա
• Ծրագրավորման հիմունքներ
• Վեբ
• Ցանցեր-1
• Ցանցեր-2

Դեկտեմբերի 14-ին ժամը 10:00-ին Երևանի թիվ 20 հիմնական դպրոցում՝

• Խոհարարություն
• Հանրային սննդի սպասարկում և արտադրություն
• Հրուշակագործություն, հացաթխում, մակարոնեղենի և հրուշակեղենի արտադրություն
• Ոսկերչություն
• Տեքստիլ 

Ատեստավորման օրը մանկավարժական աշխատողն ատեստավորման կենտրոն պետք է ներկայանա նշված ժամից 45 րոպե առաջ՝ իր հետ ունենալով ԳԹԿ-ի կողմից իրեն նախապես ուղարկված անցաթուղթը և անձը հաստատող փաստաթուղթը: Մանկավարժական աշխատողների մուտքը կենտրոն սկսվում է ատեստավորման կենտրոնի ղեկավարի հրահանգով:

ԳԹԿ-ի կողմից ծանուցումներ են ուղարկվել գրանցման ժամանակ նշված էլեկտրոնային փոստի հասցեներին։