ԱՄՆ-ն, Իսրայելը և Կատարը Նյու Յորքում եռակողմ հանդիպում են անցկացրել

2 րոպեի ընթերցում

ԱՄՆ-ն, Իսրայելը և Կատարը Նյու Յորքում եռակողմ հանդիպում են անցկացրել Դոհայի վրա իսրայելական հարվածից հետո հարաբերությունները վերականգնելու նպատակով։ 

«Արմենպրես»-ի փոխանցմամբ՝ այս մասին Axios-ին հայտնել են երկու աղբյուրներ, որոնց անունները չեն նշվում։

Սպիտակ տան բանագնաց Սթիվ Ուիթքոֆը հյուրընկալել է հանդիպումը, որին մասնակցել են Մոսադի ղեկավար Դեյվիդ Բարնեան և Կատարի բարձրաստիճան պաշտոնյան, որի անունը չի նշվում։

Իսրայելի և Կատարի միջև ճգնաժամը լուծելու ջանքերի շրջանակներում ԱՄՆ-ն առաջարկել է եռակողմ մեխանիզմ՝ «համակարգումը բարելավելու, հաղորդակցությունը բարելավելու, փոխադարձ դժգոհությունները լուծելու և սպառնալիքները կանխելու համար»։ 

Սա երկրների միջև ամենաբարձր մակարդակի հանդիպումն է Գազայում պատերազմը դադարեցնելու համաձայնագրից ի վեր։ 

Իսրայելի վարչապետ Բենիամին Նեթանյահուն նախկինում նշել էր, որ այս շրջանակներում մտադիր է բողոքներ բարձրացնել Կատարի կողմից «Մուսուլման եղբայրներին» ցուցաբերվող աջակցության, «Ալ Ջազիրա»-ի հեռարձակումներում և ԱՄՆ համալսարաններում Իսրայելի դեմ տրամադրություններին ենթադրյալ աջակցության վերաբերյալ։  

Սեպտեմբերի 9-ին իսրայելական ինքնաթիռները հարվածել էին Դոհայում ՀԱՄԱՍ-ի առաջնորդներին: ՀԱՄԱՍ-ի բարձրաստիճան առաջնորդները ողջ էին մնացել, սակայն զոհվել էր Կատարի անվտանգության աշխատակիցը։ 

Հարձակումից հետո Կատարը, որը մինչ այդ կարևոր դեր էր խաղում Իսրայելի և ՀԱՄԱՍ-ի միջև բանակցություններում՝ Գազայի պատերազմի ընթացքում, հրաժարվեց միջնորդի դեր ստանձնել։ Եվ միայն Թրամփի ճնշման տակ Նեթանյահուի կողմից Կատարի վարչապետից ներողություն խնդրելուց հետո Կատարը վերադարձավ իր միջնորդական դերին։ Սակայն Իսրայելի և Կատարի միջև հարաբերությունները մնացին սառը։ 

Հայերեն Русский

Արարատ Միրզոյանը Բրյուսելում հանդիպել է Կովկասում և Կենտրոնական Ասիայում ՆԱՏՕ-ի գլխավոր քարտուղարի հատուկ ներկայացուցչի հետ

Ֆոն դեր Լայենը բարձր է գնահատել Քիշնևի առաջընթացը ԵՄ-ին անդամակցելու ճանապարհին՝ չնայած գործադրվող ճնշումներին. Moldpres

Երիտասարդ ամուսինները լեռներում հյուրատուն են հիմնել

Թափառող շների հարձակումների կանխարգելումը պահանջում է հրատապ և համակարգային լուծում՝ կենդանիների նկատմամբ մարդասիրական վերաբերմունքի հաշվառմամբ․ ՄԻՊ

ԱՄՆ-ն թույլ չի տա, որ Իրանի դեմ պատերազմը ձգձգվի տարիներ. Վենս

Արարատ Միրզոյանը հանդիպել է Ռումինիայի արտաքին գործերի նախարարի հետ

Ախուրիկում կառուցվում է նոր երիտասարդական կենտրոն

Ազգային ժողովի նիստ

Անհրաժեշտ կլինեն բարդ որոշումներ. Քուշները հայտնել է ռուս-ուկրաինական հակամարտության կարգավորման գործում առաջընթացի մասին

Վարդան Ոսկանյանը կշարունակի ղեկավարել Հայաստանի ձյուդոյի ֆեդերացիան