ՄԹ պաշտպանության հարցերով պետնախարարն այցելել է ՀՀ ՊՆ Վազգեն Սարգսյանի անվան ռազմական ակադեմիա
1 րոպեի ընթերցում
Մեծ Բրիտանիայի և Հյուսիսային Իռլանդիայի Միացյալ Թագավորության պաշտպանության պետնախարար լորդ Վերնոն Ռոդնի Քոքերն այցելել է ՀՀ ՊՆ Վազգեն Սարգսյանի անվան ռազմական ակադեմիա:
«Արմենպրես»–ի փոխանցմամբ՝ այս մասին հայտնում են ՀՀ ՊՆ-ից՝ նշելով, որ այցի ընթացքում պետնախարար Քոքերին ներկայացվել են ակադեմիայի կառուցվածքը, կրթական ծրագրերը, կուրսանտների մասնագիտական պատրաստման առանձնահատկությունները։
Լորդ Քոքերը շրջել է ակադեմիայի թանգարանում, ծանոթացել լսարաններին, ուսումնական կենտրոններին և կրթական միջավայրին։
Միացյալ Թագավորության պաշտպանության հարցերով պետնախարար Վերնոն Քոքերն այցելել է Երևան՝ բացելու Հայաստանում բրիտանական առաջին մշտական Պաշտպանության բաժինը։