1 րոպեի ընթերցում
Սիրիայի արտաքին գործերի նախարար Ասաադ աշ-Շայբանին հայտարարել է Մեծ Բրիտանիայում Սիրիայի Արաբական Հանրապետության դեսպանատան աշխատանքի վերսկսման մասին: «Արմենպրես»-ի փոխանցմամբ՝ այս մասին հաղորդում է սիրիական պետական SANA լրատվական գործակալությունը։
«Ասադի ռեժիմի կողմից…. պարտադրված տարիներ տևած մեկուսացումից հետո մենք այսօր կրկին բացում ենք Սիրիայի դեսպանատունը Լոնդոնում։ Սիրիան վերադառնում է աշխարհ՝ իր ազատ ինքնությամբ», - գործակալությունը մեջբերում է ԱԳ նախարարի խոսքը։
Ավելի վաղ NBC News-ը, վկայակոչելով իր աղբյուրին, հայտնել էր, որ Սիրիան կվերաբացի իր դեսպանատունը Վաշինգտոնում՝ ամրապնդելու անվտանգության և ահաբեկչության դեմ պայքարի գործում համագործակցությունը։ Ըստ հրապարակման՝ այս որոշումն ընդունվել է Սիրիայի նախագահ Ահմեդ աշ-Շարաայի՝ ԱՄՆ այցի ֆոնին։