1 րոպեի ընթերցում
Միացյալ Նահանգների կողմից միջուկային զենքի փորձարկումները կնշանակեն նման փորձարկումների անցկացման մորատորիումի ավարտ, և Ռուսաստանը կգործի համապատասխան ձևով: Ինչպես «Արմենպրես»-ը տեղեկանում է «Ինտերֆաքս» գործակալությունից, այս մասին հայտարարել է ՌԴ նախագահի մամուլի քարտուղար Դմիտրի Պեսկովը։
«Միջուկային զենքի փորձարկումներն, ըստ էության, նշանակում են, որ ընդհատվելու է այն բավականին երկար ժամանակաշրջանը, երբ գործել է միջուկային փորձարկումների համապարփակ արգելքը և, իհարկե…. ինչպես ասել է մեր նախագահը, այդ դեպքում ՌԴ-ն կգործի համապատասխան ձևով», - ասել է Պեսկովը։
Այսպես է նա մեկնաբանել ԱՄՆ պետքարտուղար Մարկո Ռուբիոյի այն մեկնաբանությունները, որ նախագահ Դոնալդ Թրամփը ցանկանում է միջուկային զենքի փորձարկումներ անցկացնել «դրանց անվտանգության հարցում համոզվելու համար»։