368.54
Ալափարսում դադարեցվել է խորքային հորի ապօրինի հորատումը. սահմանվել է 2 միլիոն դրամ տուգանք
1 րոպեի ընթերցում
Բնապահպանության և ընդերքի տեսչական մարմնի աշխատակիցների կողմից իրականացված վերահսկողական գործառույթների ընթացքում հայտնաբերվել է խորքային հորի ապօրինի հորատման դեպք։
«Կոտայքի մարզի Ալափարս գյուղում գործող «ՊԻՈՆ» ՍՊԸ-ն իր տարածքում՝ ջերմոցային տնտեսության ոռոգման նպատակով, առանց համապատասխան ջրօգտագործման թույլտվության հորատում էր խորքային հոր։ Տեսուչները դադարեցրել են խորքային հորի ապօրինի հորատումը, կապարակնքել հորատող սարքավորումները»,- «Արմենպրես»-ի փոխանցմամբ՝ մանրամասնում են ԲԸՏՄ-ից:
Ընկերության տնօրենը ենթարկվել է վարչական պատասխանատվության՝ 2.000.000դր. չափով:
Բաժանորդագրվեք մեր ալիքին Telegram-ում