Հակակոռուպցիոն կոմիտեում քննվող վարույթով ձերբակալվել է Գագիկ Բեգլարյանը

ՀՀ հակակոռուպցիոն կոմիտեում քննվող քրեական վարույթի շրջանակում ձերբակալվել է ՀՀ տրանսպորտի և կապի նախկին նախարար, Երևանի նախկին քաղաքապետ Գագիկ Բեգլարյանը։ Այս մասին «Արմենպրես»-ի հարցին ի պատասխան հայտնել են Հակակոռուպցիոն կոմիտեից։

Կոմիտեի փոխանցմամբ՝ Բեգլարյանին մեղադրանք է առաջադրվել պաշտոնեական լիազորությունների չարաշահման և առանձնապես խոշոր չափերով փողերի լվացման հատկանիշներով։

Հակակոռուպցիոն կոմիտեից տեղեկացրել են նաև, որ Գագիկ Բեգլարյանին կալանավորելու միջնորդություն է ներկայացվել դատարան:

Քրեական վարույթի այլ մանրամասներ առայժմ չեն հաղորդվում։