Իսրայելական զորքերը ներխուժել են սիրիական Կունեյտրայի նահանգ. SANA

2 րոպեի ընթերցում

Իսրայելական ուժերը նոյեմբերի 12-ին ներխուժել են Սիրիայի Կունեյտրայի նահանգի հարավային շրջաններ։ «Արմենպրես»-ի փոխանցմամբ՝ այս մասին հայտնում է սիրիական SANA գործակալությունը։

Նշվում է, որ իսրայելական ուժերն անցակետ են տեղադրել Աբու Ղարա գյուղը Սուիյսա գյուղաքաղաքին կապող ճանապարհի վրա՝ խոչընդոտելով խաղաղ բնակիչների անցումը և խուզարկությունների ենթարկելով նրանց։

Բացի այդ, նոյեմբերի 11-ին իսրայելական ուժերը նաև ներխուժել են Կունեյտրայի աս-Սամդանիա և ալ-Մուշայրիֆա գյուղեր։

Սիրիան դատապարտել է իսրայելական հարձակումները՝ կոչ անելով միջազգային հանրությանն անհապաղ միջոցներ ձեռնարկել դրանք դադարեցնելու համար։

Սիրիայում Իսրայելի ռազմական բազաները տարածվում են Հերմոն լեռան գագաթից մինչև Յարմուքի ավազան։ Կունեյտրայում առկա է ութ, իսկ Դարաայում՝ մեկ ռազմաբազա։

2024 թ. դեկտեմբերին Սիրիայի նախագահ Բաշար ալ-Ասադի իշխանությունից հեռանալուց հետո Իսրայելը շարունակում է խախտումներ իրականացնել՝ գրեթե ամեն օր ներխուժելով սիրիական Կունեյտրայի և Դարաայի նահանգների բնակավայրեր։ 

Սիրիական կողմը հայտնում է, որ Իսրայելը դիմել է նաև սահմանային շրջաններում ռմբակոծությունների՝ խախտելով միջազգային իրավունքի կանոնները, ՄԱԿ-ի՝ պետական ​​ինքնիշխանության վերաբերյալ բանաձևերը և 1974 թվականին կնքված անջատման մասին համաձայնագիրը, որը բուֆերային գոտի էր ստեղծում երկու երկրի միջև։

Հայերեն Русский

ԱԺ-ն օրակարգ չի ընդգրկել ժողովրդավարության վիճակի վերաբերյալ ընդդիմության հայտարարության նախագիծը

Ռուսաստանը ենթարկվել է 1441 ԱԹՍ-ի զանգվածային հարձակման, 800-ը՝ Մոսկվայի ուղղությամբ

Արարատ Միրզոյանը Բրյուսելում հանդիպել է Կովկասում և Կենտրոնական Ասիայում ՆԱՏՕ-ի գլխավոր քարտուղարի հատուկ ներկայացուցչի հետ

Գյումրիի բժշկական կենտրոնի տնօրենի պաշտոնակատար է նշանակվել Դավիթ Գևորգյանը

Ֆոն դեր Լայենը բարձր է գնահատել Քիշնևի առաջընթացը ԵՄ-ին անդամակցելու ճանապարհին՝ չնայած գործադրվող ճնշումներին. Moldpres

Երիտասարդ ամուսինները լեռներում հյուրատուն են հիմնել

Թափառող շների հարձակումների կանխարգելումը պահանջում է հրատապ և համակարգային լուծում՝ կենդանիների նկատմամբ մարդասիրական վերաբերմունքի հաշվառմամբ․ ՄԻՊ

ԱՄՆ-ն թույլ չի տա, որ Իրանի դեմ պատերազմը ձգձգվի տարիներ. Վենս

Արարատ Միրզոյանը հանդիպել է Ռումինիայի արտաքին գործերի նախարարի հետ

Ախուրիկում կառուցվում է նոր երիտասարդական կենտրոն