ՀՀ ԱԳ փոխնախարարն ու Կոտ դ'Իվուարի ԱԳ նախարարը քննարկել են բազմակողմանի հարթակներում համագործակցության ամրապնդումը

Հայաստանի Հանրապետության արտաքին գործերի նախարարի տեղակալ Ռոբերտ Աբիսողոմոնյանը Բրազիլի Բելեմ քաղաքում հանդիպել է Կոտ դ'Իվուարի ԱԳ նախարար Կակու Ադոմ Լեոնին։

«Արմենպրես»-ի հաղորդմամբ՝ այս մասին X-ի իր միկրոբլոգում կատարած գրառման մեջ նշել է Հայաստանի ԱԳ նախարարի տեղակալը։

«Մեծ հաճույքով հանդիպեցի Կոտ դ'Իվուարի արտաքին գործերի նախարար Կակու Ադոմ Լեոնին։ Մտքեր փոխանակեցինք բազմակողմանի հարթակներում Հայաստան-Կոտ դ'Իվուար արդյունավետ համագործակցության և երկկողմ կապերի ամրապնդման ուղիների վերաբերյալ։ Անդրադարձանք հաջորդ տարի Հայաստանի կողմից հյուրընկալվող Կենսաբազմազանության համաժողովին (COP17)»,-իր գրառման մեջ նշել է Ռոբերտ Աբիսողոմոնյանը։

Belém | #COP30

Great pleasure to meet @KacouAdomLeon, Minister of Foreign Affairs of Côte d’Ivoire.

Exchanged views on fruitful cooperation btw 🇦🇲 & 🇨🇮 in multilateral fora & ways to enhance bilateral ties.

Touched upon CBD #COP17 to be hosted by #Armenia next year. pic.twitter.com/5EgiXHhm11

— Robert Abisoghomonyan (@RAbisoghomonyan) November 8, 2025

Կլիմայի փոփոխության մասին ՄԱԿ-ի համաժողովն անցկացվելու է Բրազիլիայի Բելեմ քաղաքում՝ նոյեմբերի 10-ից 21-ը։