Օրբանը շարունակում է Բուդապեշտում Պուտին-Թրամփ գագաթնաժողովի անցկացման հույս ունենալ
1 րոպեի ընթերցում
Հունգարիայի վարչապետ Վիկտոր Օրբանը հայտնել է, որ պատրաստ է հեռախոսազրույց ունենալ Ռուաստանի նախագահ Վլադիմիր Պուտինի հետ՝ Բուդապեշտում ռուս-ամերիկյան գագաթնաժողով անցկացնելու համար։ «Արմենպրես»-ի փոխանցմամբ, ինչպես հաղորդում է ՏԱՍՍ-ը, այս մասին Օրբանն ասել է լրագրողների հետ զրույցում՝ Վաշինգտոն մեկնելու ճանապարհին։
Հունգարիայի վարչապետը նշել է, որ Վլադիմիր Պուտինի հետ վերջին անգամ հեռախոսով զրուցել է հոկտեմբերի 17-ին, երբ հայտարարվել է Բուդապեշտում ԱՄՆ նախագահ Թրամփի ու ՌԴ նախագահ Պուտինի հնարավոր հանդիպման մասին։
«Այդ պահից սկսած դրա անհրաժեշտությունը չի եղել, բայց, եթե կարիքը լինի, ապա ես, իհարկե, կխոսեմ»,- նշել է Օրբանը։
Նոյեմբերի 7-ին Վաշինգտոնում նախատեսված է ԱՄՆ նախագահ Դոնալդ Թրամփի և Հունգարիայի վարչապետ Վիկտոր Օրբանի հանդիպումը։