1 րոպեի ընթերցում
Գեղարքունիքի մարզի Մարտունի համայնքի Ծովասար գյուղում ՀՀ կառավարության կողմից 2025 թվականին իրականացվող սուբվենցիոն ծրագրերի շրջանակներում խմելու ջրատարի ներքին ցանց է կառուցվել։
Ինչպես «Արմենպրես»-ին տեղեկացրին Մարտունիի համայնքապետարանի աշխատակազմից, Ծովասարի խմելու ջրատարի ներքին ցանցի կառուցման ծրագրի պայմանագրային արժեքը կազմում է 28 միլիոն 859 հազար դրամ, որի 75 տոկոսը հատկացնում է ՀՀ կառավարությունը, 25 տոկոսը՝ Մարտունիի համայնքապետարանը։
Ծրագրով նախատեսվում է խմելու ջրատարի ներքին ցանցի կառուցում Ծովասար գյուղի 8 տարբեր թաղամասերում՝ 1400 գծամետր ընդհանուր երկարությամբ, տնային 100 միացումով։ Ծրագրի շահառու է հանդիսանում Ծովասարի 100 տնտեսություն։
Շինարարական աշխատանքները, որոնք իրականացրել է «Մինասյաններ Շին» ՍՊԸ-ն, մեկնարկել են հուլիսից և ավարտվել սեպտեմբերի վերջերին։
Ծրագրի իրականացման արդյունքում Ծովասարի 100 տնտեսություն ապահովվել է շուրջօրյա ու որակյալ ջրամատակարարմամբ։