368.52
ԱՄՆ-ն և Հնդկաստանը 10-ամյա պաշտպանական գործընկերության փաստաթուղթ են ստորագրել
1 րոպեի ընթերցում
ԱՄՆ-ն և Հնդկաստանը ստորագրել են 10-ամյա պաշտպանական շրջանակային համաձայնագիր, հայտնել է Պենտագոնի ղեկավար Փիթ Հեգսեթը։
«Արմենպրես»-ի փոխանցմամբ՝ համաձայնագիրը ստորագրել են Փիթ Հեգսեթը և Հնդկաստանի պաշտպանության նախարար Ռաջնաթ Սինգհը Մալայզիայում «Հարավարևելյան Ասիայի պետությունների ասոցիացիա պլյուս» ձևաչափով պաշտպանության նախարարների միջոցառման շրջանակում հանդիպման ժամանակ։
«Սա առաջ է մղում մեր պաշտպանական գործընկերությունը, որը տարածաշրջանային կայունության և զսպման անկյունաքարն է», - Truth Social հարթակում գրել է Պենտագոնի ղեկավարը։
Նա հավելել է, որ Վաշինգտոնը և Նյու Դելին ընդլայնում են համակարգումը, տեղեկատվության փոխանակումը և տեխնոլոգիական համագործակցությունը։
«Մեր պաշտպանական կապերը երբեք այսքան ամուր չեն եղել», - հավելել է Հեգսեթը։
Բաժանորդագրվեք մեր ալիքին Telegram-ում