368.52
Գերմանիայի կանցլերն իր առաջին այցն է կատարել Թուրքիա
1 րոպեի ընթերցում
Գերմանիայի կանցլեր Ֆրիդրիխ Մերցն իր պաշտոնավարման ընթացքում առաջին այցն է կատարել Թուրքիա: «Արմենպրես»-ի փոխանցմամբ՝ այս մասին հաղորդում է Deutsche Welle պարբերականը:
Թուրքիայի նախագահ Ռեջեփ Թայիփ Էրդողանի հետ քննարկման օրակարգում են երկկողմ հարաբերությունները, համագործակցությունը պաշտպանության ոլորտում, Թուրքիայի դերակատարումը ռուս-ուկրաինական հակամարտության կարգավորման գործում, ինչպես նաև Անկարայի ազդեցությունը Գազայի հատվածում խաղաղության ջանքերում:
Պարբերականը նշում է, որ երկու երկրների հարաբերություններում լարվածությունը շարունակվում է Թուրքիայում մարդու իրավունքների հետ կապված մտահոգությունների պատճառով:
Նախքան Թուրքիայի նախագահի հետ հանդիպումը Գերմանիայի կանցլերն այցելել է Աթաթուրքի դամբարան, այնուհետև հանդիպում անցկացրել գործարարների հետ:
Բաժանորդագրվեք մեր ալիքին Telegram-ում