Թրամփը դրական է գնահատել Բրազիլիայի նախագահի հետ հանդիպումը

Բրազիլիայի նախագահ Լուիս Ինասիո Լուլա դա Սիլվայի հետ Հարավարևելյան Ասիայի պետությունների ասոցիացիայի գագաթնաժողովի շրջանակում կայացած հանդիպումը դրական ազդեցություն կունենա երկու երկրների միջև հարաբերությունների վրա։ «Արմենպրես»-ի փոխանցմամբ, այս մասին հայտարարել է ԱՄՆ նախագահ Դոնալդ Թրամփը։

President Trump meets with Brazilian President Luiz Inácio Lula da Silva at ASEAN summit. 🇺🇸🇧🇷

"It's a great honor to be with the President of Brazil... I think we should be able to make some pretty good deals for both countries... We always have had a good relationship — I… pic.twitter.com/SVrcCrjUWo

— The White House (@WhiteHouse) October 26, 2025

«Մեծ պատիվ է լինել Բրազիլիայի նախագահի հետ... Կարծում եմ՝ մենք պետք է կարողանանք երկու երկրների համար բավականին լավ գործարքներ կնքել... Մենք միշտ լավ հարաբերություններ ենք ունեցել, կարծում եմ՝ դրանք կշարունակվեն»,- X-ի գրառման մեջ Թրամփի խոսքը մեջբերել է Սպիտակ տունը։

Իր հերթին Բրազիլիայի նախագահը նշել է, որ Մալայզիայում հիանալի հանդիպում է ունեցել նախագահ Թրամփի հետ։ 

«Մենք անկեղծորեն և կառուցողական քննարկեցինք երկկողմ առևտրային և տնտեսական օրակարգը։ Մենք համաձայնեցինք, որ մեր թիմերը անհապաղ կհանդիպեն՝ Բրազիլիայի իշխանությունների դեմ մաքսատուրքերի և պատժամիջոցների վերաբերյալ լուծումներ գտնելու համար»,- նշել է Լուլա դա Սիլվան X-ի գրառման մեջ։

The Hill-ը հայտնել է, որ երկու նախագահները այս ամսվա սկզբին հեռախոսազրույցի ժամանակ քննարկել են բրազիլական ապրանքների վրա ԱՄՆ մաքսատուրքերը։ Բրազիլիայի նախագահը նաև խնդրել է Թրամփին վերացնել իր կողմից սահմանված լրացուցիչ մաքսատուրքերը։