ՄՄԿ-ն շարունակում է մնալ ՀՀ-ի գործընկերը միգրացիայի կառավարման և ռազմավարության զարգացման հարցում. Արթուր Էրկեն

Միգրացիայի միջազգային կազմակերպության Եվրոպայի և Կենտրոնական Ասիայի տարածաշրջանային տնօրեն Արթուր Էրկենը բարձր է գնահատել հանդիպումը Հայաստանի ներքին գործերի նախարարի տեղակալ Արմեն Ղազարյանի և Ներքին գործերի նախարարության միգրացիայի և քաղաքացիության ծառայության պետ Նելլի Դավթյանի հետ։ 

«Արմենպրես»-ի փոխանցմամբ՝ Էրկենն այդ մասին գրել է X-ի իր միկրոբլոգում։ 

«Լավ հանդիպում ունեցավ Հայաստանի ներքին գործերի նախարարի տեղակալ Արմեն Ղազարյանի և Միգրացիայի և քաղաքացիության ծառայության ղեկավար Նելլի Դավթյանի հետ։ Միգրացիայի միջազգային կազմակերպությունը շարունակում է մնալ Հայաստանի կառավարության կարևոր գործընկերը՝ աջակցելով միգրացիայի կառավարմանը և ռազմավարության զարգացմանը»,- գրել է նա։  

Great meeting with Dep Minister of Internal Affairs, Mr. Ghazaryan, and Head of Migration and Citizenship Service, Ms. Davtyan. @UNmigration⁩ remains a strong partner for the Armenian government, supporting migration mgt efforts and strategy development.⁦⁦@IOM_ECA⁩ pic.twitter.com/WG4lU27fbl

— Arthur Erken (@ArthurErken) October 22, 2025