1 րոպեի ընթերցում
Եվրամիության անդամ երկրների արտաքին գործերի նախարարները հոկտեմբերի 20-ին կհանդիպեն Լյուքսեմբուրգում՝ քննարկելու օրակարգային այնպիսի հարցեր, ինչպիսիք են իրադրությունն Ուկրաինայում և Մերձավոր Արևելքում, հարաբերությունները Հնդկա-խաղաղօվկիանոսյան տարածաշրջանի հետ։ Ինչպես հաղորդում է «Արմենպրես»-ը, այս մասին նշվում է ԵՄ կայքում հրապարակված հանդիպման օրակարգում։
Հանդիպմանը մասնակցելու է Եվրոպական հանձնաժողովի փոխնախագահ, ԵՄ արտաքին գործերի ու անվտանգության քաղաքականության հարցերով բարձր ներկայացուցիչ Կայա Կալասը։
Ռուսական լրատվամիջոցները գրում են, որ հանդիպմանը փորձ է արվելու համաձայնեցնել Ռուսաստանի դեմ պատժամիջոցների 19-րդ փաթեթը։