1 րոպեի ընթերցում
Երևանի շինհրապարակներում տեղադրված օդի որակի չափման սարքերից ստացված տվյալների համաձայն՝ ժամը 17։00-ի դրությամբ օդի որակի ինդեքսի միջինացված ցուցանիշը մանրահատիկ փոշու համար կազմել է 56.6։
«Արմենպրես»-ի հաղորդմամբ՝ այս մասին հայտնել է Երևանի քաղաքապետ Տիգրան Ավինյանը:
«Օդի որակը գտնվում է չափավոր միջակայքում»,-նշել է նա:
Նուբարաշենի աղբավայրում հրդեհաշիջման աշխատանքները շարունակվում են: Երևանի քաղաքապետ Տիգրան Ավինյանը տեղեկացել էր, որ ավելացվում է դեպքի վայրում աշխատող տեխնիկայի քանակը։ Գիշերվա ընթացքում էլ ինտենսիվորեն կջրվեն Երևանի բոլոր փողոցները՝ մեղմելու փոշու, օդի աղտոտվածության խնդիրը: Ավինյանը նաև նշել էր, որ Նուբարաշենի աղբավայրում բռնկված հրդեհը ոչ թե պատահականություն է, այլ դիտավորություն, ինչի շուրջ ինքը զրուցել է ՀՀ ԱԱԾ տնօրենի և Ներքին գործերի նախարարի հետ։