Ֆրանսիան և Մեծ Բրիտանիան հորդորում են անհապաղ կյանքի կոչել Իսրայելի և ՀԱՄԱՍ-ի  միջև համաձայնությունը

2 րոպեի ընթերցում

Ֆրանսիայի և Մեծ Բրիտանիայի ղեկավարները կոչ են արել Իսրայելին և ՀԱՄԱՍ-ին պահպանել հաստատված հրադադարի ռեժիմի պայմանները։ 

«Մեծ հույսեր կան գերիների և նրանց ընտանիքների, Գազայում գտնվող պաղեստինցիների և ամբողջ տարածաշրջանի համար։ Ես ողջունում եմ այս գիշեր կայացված համաձայնությունը գերիներին ազատ արձակելու և Գազայում հրադադար հաստատելու վերաբերյալ։ Բարձր եմ գնահատում նախագահ Դոնալդ Թրամփի ջանքերը, ինչպես նաև Կատարի, Եգիպտոսի և Թուրքիայի միջնորդներին, որոնց օգնությամբ այս ամենն իրականություն դարձավ։ Կոչ եմ անում բոլոր կողմերին խստորեն պահպանել հրադադարի պայմանները։ Այս համաձայնությունը պետք է նախանշի պատերազմի ավարտը և երկու պետության գոյության հիման վրա խնդրի քաղաքական կարգավորման սկիզբը։ Ֆրանսիան պատրաստ է աջակցել այս նպատակին»,- գրել է Ֆրանսիայի նախագահ Էմանուել Մակրոնը X-ի իր էջում՝ հավելելով, որ այս հարցը Փարիզում քննարկման կդրվի միջազգային գործընկերների հետ։

Ինչպես հաղորդում է «Արմենպրես»-ը՝ վկայակոչելով Reuters գործակալությունը, Մեծ Բրիտանիայի վարչապետ Քիր Սթարմերը ևս հորդորել է հետևողականորեն կյանքի կոչել պայմանավորվածությունները։ «Այս համաձայնությունը պետք է կյանքի կոչվի լիարժեքորեն, առանց հապաղման։ Այն պետք է ուղեկցվի Գազայում կենսական նշանակություն ունեցող հումանիտար օգնության առաքման հետ կապված բոլոր սահմանափակումների անհապաղ վերացմամբ»,- ասել է Սթարմերը Հնդկաստան կատարած այցի շրջանակում։ 

Շնորհակալություն հայտնելով միջնորդ երկրներին դիվանգիտական ջանքերի համար՝ Մեծ Բրիտանիայի վարչապետը համոզմունք է հայտնել, որ համաձայնության կյանքի կոչումը հատկապես կարևոր է իսրայելցի գերիների ընտանիքների ու Գազայի բնակիչների համար։ 

Հայերեն Русский

Շինաշխատանքներով պայմանավորված նոյեմբերի 21-ից 24-ը կփակվի Վաղարշապատ-Մասիս ճանապարհի մի հատվածը

Մեկնարկել են «Անվտանգ տարի փրկարարի հետ» իրազեկման և ուսուցման դասընթացները․ մասնակցել է ավելի քան 900 քաղաքացի

Քաղաքացիները կկարողանան եկամտային հարկից հատկացումներ կատարել ՀԿ-ներին, լրատվամիջոցներին և կուսակցություններին

Գավառ համայնքում հայտնի են «Վոլեյբոլի դպրոցականների լիգա» մրցաշարի համայնքային փուլի հաղթող թիմերը

Փաշինյանը ցավակցություն է հայտնել Թբիլիսիում պայթյունի հետևանքով զոհվածների հարազատներին

Շիրակի քրեական ոստիկանները թմրանյութի իրացումների շղթա են բացահայտել

Հայաստանում անցկացվել է ԵԱՏՄ անդամ պետությունների մաքսային ծառայությունների միավորված կոլեգիայի 56-րդ նիստը

ԵԽ ներկայացուցիչների հետ քննարկվել են մարզական մրցումների մեքենայությունների դեմ պայքարի ազգային հարթակի ստեղծման հարցերը

Հրազդանում կստեղծվի տեխնոլոգիական քոլեջ. առաջին ընդունելությունը նախատեսվում է 2027 թվականին

Թվային լուծումներ՝ մեկ էկոհամակարգում․ IDBank-ը՝ DigiTec 2026-ում