Եգիպտոսում կմեկնարկեն բանակցությունները ՀԱՄԱՍ-ի և Իսրայելի միջև

2 րոպեի ընթերցում

Պաղեստինյան ՀԱՄԱՍ շարժման պատվիրակությունը՝ Գազայի հատվածի արմատականների առաջնորդ ​​Խալիլ ալ-Հեյայի գլխավորությամբ, ժամանել է Եգիպտոս՝ Իսրայելի հետ ոչ ուղիղ բանակցությունները վերսկսելու նպատակով: Ինչպես հաղորդում է «Արմենպրես»-ը, այս մասին ասվում է ՀԱՄԱՍ-ի Telegram ալիքում հրապարակված հաղորդագրության մեջ:

Ակնկալվում է, որ քննարկումների ժամանակ խոսվելու է ոչ միայն Գազայում կրակի դադարեցման, այլև իսրայելական զորքերի դուրսբերման ու գերիների փոխանակման մասին։ 

Ավելի վաղ Եգիպտոսի ԱԳՆ-ն հայտնել էր, որ Իսրայելի և ՀԱՄԱՍ-ի միջև ոչ ուղիղ բանակցությունների նոր փուլը տեղի կունենա իրենց երկրի տարածքում հոկտեմբերի 6-ին։ Կողմերը ծրագրում են քննարկել խնդրի կարգավորումը՝ հիմնվելով ԱՄՆ նախագահ Դոնալդ Թրամփի առաջարկած ծրագրի վրա: Խորհրդակցությունների վայրը չի հայտարարվել: 

Եգիպտական պարբերականների տվյալներով՝ հանդիպումը կարող է կայանալ մայրաքաղաք Կահիրեում կամ Շարմ էլ-Շեյխում։ 

Սեպտեմբերի 29-ին Սպիտակ տունը հրապարակել է Թրամփի՝ Գազայի հակամարտության կարգավորման ծրագիրը։ Փաստաթուղթը բաղկացած է 20 կետից։ Այն նախատեսում է պաղեստինյան անկլավում ժամանավոր արտաքին կառավարում մտցնել և միջազգային ուժեր տեղակայել։ Իսրայելը հայտարարել է, որ համաձայն է այս ծրագրի հետ։

Հոկտեմբերի 3-ին ՀԱՄԱՍ-ը միջնորդներին է ներկայացրել Թրամփի առաջարկին իր պատասխանը։ Շարժումը պատրաստակամություն էր հայտնել ազատ արձակել բոլոր ողջ մնացած իսրայելցի պատանդներին և հանձնել զոհվածների մարմինները։ 

Հայերեն English Español Русский

Արարատ Միրզոյանը կարևորել է գործընկերների հետ համագործակցությունը հիբրիդային սպառնալիքներին դիմակայելու հարցում

38 երկրի միջուկային անվտանգության կարգավորիչները զգուշացրել են Ուկրաինայում միջուկային վթարի աճող վտանգի մասին

Բուլղարիայում ԱՄՆ դեսպանատունը Եվրոպայում գտնվող ամերիկացիներին զգոնության կոչ է արել տոներին ընդառաջ

ՌԴ-ում պահնորդները պատահմամբ կանչել են Ռոսգվարդիային և հայտնվել ոստիկանությունում․ նրանց մոտ թմրանյութ է հայտնաբերվել

Դավիթ Թադևոսյանը MITRE-ում քննարկել է Հայաստանի պաշտպանական նորարարությունների զարգացման հնարավորությունները

Հունգարիան դիտարկվում է հայկական բիզնեսների համար Եվրոպա տանող դարպաս․ «Հայ-հունգարական գործարար խորհուրդ»-ը սկսեց աշխատանքները

Տարածաշրջանային հաղորդակցությունների վերագործարկումը կարող է տնտեսական օգուտներ ապահովել բոլոր երկրների համար․ Միրզոյան

Թրամփի գնահատմամբ՝ Պուտինը փոքր-ինչ մեղմացնում է դիրքորոշումն Ուկրաինայի հարցում

Դավիթ Խուդաթյանն աշխատանքային այցով Իրանում է

Մահացել է մեքսիկական «Գվադալահարա» թմրակարտելի հիմնադիր Ֆելիքս Գալյարդոն