1 րոպեի ընթերցում
Ռուսական արվեստի թանգարանում «Եվրոպական ժառանգության օրերի» շրջանակում սեպտեմբերի 16-ին բացվել է «Տուն. իմ տիեզերք» խորագրով ցուցահանդեսը:
«Արմենպրես»-ի հաղորդմամբ՝ ցուցահանդեսը հնարավորություն է տալիս ճամփորդել տարբեր դարաշրջաններում, տեսնել հետաքրքիր քաղաքներ, զգալ Հայաստանի վառ, հյութեղ գույները՝ Ալթայի ցուրտ, խստաշունչ ոգին, Թիֆլիսի տաք արևը իր նեղ փողոցներով և պատշգամբներով, Վիլնոյի սալահատակները, կարմիր հեղափոխությունից ցնցված ռուսական Թուրքեստանի ինքնատիպ, միանգամայն ճանաչելի ճարտարապետությունը։
Ցուցադրության մեջ ներառված կտավներում կան ինչպես առանձին տների, այնպես էլ բնանկարի և աշխարհագրական լանդշաֆտի ֆոնին նկարված տների պատկերներ։
Ցուցադրությունն ընդգրկում է հայ և ռուս նկարիչների ստեղծագործություններ, որոնց թվում են Մ. Ավետիսյանը, Ե. Թադևոսյանը, Դ. Նալբանդյանը, Պ. Կուզնեցովը և Ա. Դրևինը։ Ներկայացված աշխատանքներից շատերը երկար տարիներ չեն ցուցադրվել և պահվել են ֆոնդապահոցում:
Ցուցահանդեսը կգործի սեպտեմբերի 26-ից հոկտեմբերի 31-ը: