1 րոպեի ընթերցում
Հայաստանի գլխավոր դատախազությունը հայտնում է, որ Տավուշի նախկին մարզպետ Հովիկ Աբովյանից հօգուտ Հայաստանի Հանրապետության բռնագանձվել է 1.5 միլիոն ԱՄՆ դոլարին համարժեք շուրջ 608 միլիոն դրամ։
«Արմենպրես»-ի փոխանցմամբ՝ ՀՀ գլխավոր դատախազությունն այս մասին հաղորդագրություն է տարածել։
«Գլխավոր դատախազությունը տեղեկացրել էր, որ ապօրինի ծագում ունեցող գույքի բռնագանձման գործառույթի շրջանակում, 2024 թվականի փետրվարի 15-ին հաշտության համաձայնություն է կնքվել Տավուշի նախկին մարզպետ Հովիկ Աբովյանի և նրան փոխկապակցված անձանց հետ: Դատարանի կողմից հաստատված Հաշտության հիմքը 2024 թվականի հունվարի 22-ին Հովիկ Աբովյանի և նրան փոխկապակցված անձանց կողմից Գլխավոր դատախազություն ներկայացված՝ գործի քննությունը հաշտությամբ ավարտելու վերաբերյալ դիմումն էր, որով վերջիններս պատրաստակամություն էին հայտնել Հայաստանի Հանրապետության սեփականությանը փոխանցել շուրջ 608 միլիոն դրամ:
2025 թվականի սեպտեմբերի 26-ի դրությամբ շուրջ 608 միլիոն դրամն ամբողջությամբ վճարվել է ՀՀ բյուջե»: