Այս պահին որևէ նորություն չունենք հայտնելու. ՆԳՆ-ն՝ Փարաքարի համայնքապետի սպանության մեջ կասկածվողին հայտնաբերելու լուրերի մասին
1 րոպեի ընթերցում
Ներքին գործերի նախարարության մամուլի խոսնակ Նարեկ Սարգսյանն անդրադարձել է մամուլում տարածվող լուրերին, թե Փարաքար համայնքի ղեկավար Վալոդյա Գրիգորյանի և ոստիկանության աշխատակից Կարեն Աբրահամյանի սպանության մեջ կասկածվող անձը հայտնաբերվել է։
«Արմենպրես»-ի հետ զրույցում ՆԳՆ մամուլի խոսնակը, անդրադառնալով տարածվող լուրին, նշեց.
«Այս պահին որևէ նորություն չունենք հայտնելու: Միջոցառումները շարունակվում են»:
Ավելի վաղ MediaHub-ը գրել էր, որ Վալոդյա Գրիգորյանի և Կարեն Աբրահամյանի սպանության մեջ կասկածվող անձին ոստիկանները հայտնաբերել են։ Ըստ լրատվամիջոցի տեղեկությունների՝ սպանության մեջ կասկածվողը Փարաքարի նախկին համայնքապետ Մհեր Ախտոյանի հորաքրոջ որդու՝ փետրվարին սպանված 29-ամյա Գրիգոր Օհանյանի եղբայրն է: