1 րոպեի ընթերցում
Եվրոպական գիտական և մշակութային համայնքի խորհուրդը և Բուլղարական մշակութային և գիտական էլիտայի ակումբը, Բուլղարիայի Արտաքին գործերի և Մշակույթի նախարարությունների և Մեզդրա քաղաքի քաղաքապետարանի հետ համատեղ, «Միջազգային մշակութային համագործակցություն» նախաձեռնության և Մեզդրա քաղաքի 75-ամյակի կապակցությամբ ՀՀ դեսպանությանն արժանացրել է «Մշակութային ոսկե մետաղադրամ» մրցանակի:
«Արմենպրես»-ի փոխանցմամբ՝ դեսպանության տարածած հաղորդագրության մեջ նշվում է, որ այդ կապակցությամբ դեսպան Ծովինար Համբարձումյանը հրավիրվել է Մեզդրա քաղաք՝ որպես մրցանակի հանձնման պաշտոնական արարողության պատվավոր հյուր։
Միջոցառումը տեղի է ունեցել 2025 թ․ սեպտեմբերի 19-ին, «Պրոսվետա 1925» ազգային համայնքային կենտրոնի մեծ դահլիճում, որն էլ այդ օրը նշում էր իր հիմնադրման 100-ամյակը։
Իր ելույթում Ծովինար Համբարձումյանը շնորհակալություն է հայտնել կազմակերպիչներին՝ նման բարձր գնահատականի արժանանալու կապակցությամբ:
«Պարգևը չեմ ընդունում որպես անձնական ջանքերի գնահատանք։ Այն Հայաստանի՝ խաղաղությանն ուղղված շարունակական և հետևողական ջանքերի խորհրդանիշն է՝ մշակութային դիվանագիտության միջոցով»,- իր խոսքը եղրափակել է ՀՀ դեսպանը: