Հայաստանն արդեն ունի իր տեղը կիսահաղորդչային մատակարարման գլոբալ շղթայում. ԲՏԱ նախարարի տեղակալ

2 րոպեի ընթերցում

Հայաստանն արդեն ունի իր տեղը կիսահաղորդչային մատակարարման գլոբալ շղթայում։ 

«Արմենպրես»-ի հաղորդմամբ՝ «State&Tech bridge» միջոցառման ընթացքում այս մասին ասաց Բարձր տեխնոլոգիաների արդյունաբերության նախարարի տեղակալ Ռուբեն Սիմոնյանը։ 

Նրա խոսքով՝ Հայաստանը չի կարող ունենալ զանգվածային արտադրություն, սակայն կարևոր դեր է խաղում նախագծման, հավաքման և վերջնական արտադրանքի ստեղծման փուլերում։

Սիմոնյանը նշեց, որ Հայաստանի նպատակը միջազգային հուշագրերով ամրագրելն է իր կայուն դերը այս շղթայում և այդ դիրքի ուժեղացումը։

Նախարարի տեղակալը նաև կարևորեց արհեստական բանականության դերը և մասնագետների պատրաստման անհրաժեշտությունը:

«Շատ անելիքներ ունենք։ Պետք է ուշադրություն դարձնել տաղանդների անընդհատ մատակարարմանը, հատկապես էլեկտրական ինժեներների և ԱԲ ոլորտի մասնագետների։ Կարևոր է տիրապետել ոչ միայն մաթեմատիկային, ֆիզիկային, տվյալագիտությանը, այլև ԱԲ գործիքներին ու թվայնացման հմտություններին՝ արտադրողականությունը բարձրացնելու համար»,- ընդգծեց Սիմոնյանը։

Փոխնախարարի խոսքով՝ այժմ աշխատանքներ են տարվում նաև ներմուծման և արտահանման ընթացակարգերի պարզեցման ուղղությամբ։ 

«2023 թվականի մայիսին ընդունված 808 որոշման հետևանքով արտահանման գործընթացները բարդացել են։ Ընկերությունը նախ պետք է դիմի հետազոտության, հետո նոր՝ էկոնոմիկայի նախարարություն, ինչը կարող է տևել մեկից երկու ամիս։ Մենք աշխատում ենք ստեղծել «validated»-ների համակարգ, որտեղ վստահելի ընկերությունների ստուգումները կիրականացվեն հետագա փուլում՝ պոստ ֆակտում։ Նույնը վերաբերում է նաև ներմուծմանը, քանի որ որոշ հումքեր չունեն համապատասխան կոդեր և ձևակերպումները ձգձգվում են ամիսներով, ինչի հետևանքով նյութերը կարող են դառնալ անպիտան։ Այս հարցերը քննարկվում են ՊԵԿ-ի հետ»,- ասաց փոխնախարարը։

Սիմոնյանը նշեց, որ Հայաստանը պետք է օգտագործի ներկա մարտահրավերները որպես հնարավորություն՝ կիսահաղորդչային և տեխնոլոգիական գլոբալ շուկաներում իր դիրքերը ամրապնդելու համար։ 

Հայերեն العربية English Русский

Վրաստանում նոյեմբերի 22-ը սգո օր է հայտարարվել՝ գազի պայթյունի հետևանքով մարդկանց զոհվելու կապակցությամբ

Իրանը հերքել է քիմիական և կենսաբանական զենքի մշակման վերաբերյալ ԱՄՆ-ի մեղադրանքները

ՀՀ փոխվարչապետն ու Չեխիայի դեսպանը քննարկել են առևտրի, տրանսպորտի, հանքարդյունաբերության ոլորտներում իրականացվող ծրագրերի ընթացքը

Ռուբինյանը պարզաբանել է, թե ինչու Սահմանադրությունում Անկախության հռչակագրին հղում ներառելը տրամաբանական չի համարում

Երեխաների իրավունքների պաշտպանության ոլորտում դեռևս կան լուծում պահանջող հարցեր․ ՄԻՊ-ի ուղերձը Երեխաների համաշխարհային օրվա առթիվ

Ուկրաինան հրթիռների և ԱԹՍ-ների զանգվածային հարձակման է ենթարկվել

Արտաշատում բացվել է վերակառուցված ու վերազինված պոլիկլինիկա

Հիմնանորոգվել է Ախուրյան, Կառնուտ, Հովիտ, Բասեն և Ջրառատ բնակավայրերը կապող 14 կմ ճանապարհը

ԱԺ նախագահն ընդդիմությանը կոչ է արել չխոչընդոտել սահմանադրական հանրաքվեին և գլխավորել «Ոչ»-ի շտաբը

«Երևանյան բեսթսելեր». «Մայրական կաթ» գիրքն՝ առաջատար. թարգմանական. հոկտեմբեր, 2026