ՏՏ ոլորտի մասնաբաժինը պետական բյուջեի եկամուտներում կազմել է 7.6 տոկոս. ՊԵԿ նախագահի տեղակալ

2 րոպեի ընթերցում

Պետական եկամուտների կոմիտեի նախագահի առաջին տեղակալ Վրեժ Մխիթարյանը «State&Tech bridge» միջոցառման քննարկման ընթացքում անդրադարձավ ՏՏ ոլորտի զարգացմանը, հարկային արտոնություններին և վարչարարության բարեփոխումներին։

Նրա խոսքով՝ ՏՏ ոլորտը ոչ միայն տնտեսության ամենաարագ զարգացող ճյուղերից է, այլ նաև Հայաստանի մրցունակության և միջազգային հեղինակության կարևոր հիմքերից մեկը․

«Մեր նպատակն է ստեղծել հարկային այնպիսի վարչարարական միջավայր, որը կխթանի նորարարությունը, կդյուրացնի ներդրումները և կապահովի առողջ մրցակցային դաշտ։ Հարկային վարչարարությունը պետք է դիտվի ոչ թե որպես խոչընդոտ, այլ որպես զարգացման կայուն հիմք»,- «Արմենպրես»-ի փոխանցմամբ՝ ընդգծեց նա։

Վրեժ Մխիթարյանը նշեց, որ ռիսկերի գնահատման համակարգի վերլուծություններով ՏՏ ոլորտը համեմատաբար ավելի ցածր ռիսկայնություն ունի, ուստի գործում են թեթևացված վարչարարական մոտեցումներ։ Միաժամանակ, պետական քաղաքականությունը միտված է վստահության և գործընկերության մթնոլորտի ձևավորմանը։

Նա ընդգծեց նաև ոլորտի դերը պետական բյուջեի եկամուտների ձևավորման գործում։

«2025 թվականի բյուջեի հավաքագրումներում ՏՏ ոլորտի մասնաբաժինը կազմել է շուրջ 7․6 տոկոս։ Բացի հարկային մուտքերից, ոլորտը ապահովում է նաև բարձր վարձատրվող աշխատատեղեր, արտահանման աճ և ներդրումների ներգրավում»,- շեշտեց նա։

Ըստ ներկայացված տվյալների՝ միայն ծրագրային ապահովման մշակում և տեղեկատվական ծառայությունների ոլորտներում 2025 թվականի 7 ամիսներին գործել է մոտ 18 հազար աշխատատեղ, ինչը նախորդ տարվա համեմատ ավելի է 1700-ով։

Նա վստահություն հայտնեց, որ պետության, բիզնեսի և գիտակրթական ոլորտի համատեղ աշխատանքը Հայաստանը կդարձնի տարածաշրջանային և միջազգային ՏՏ ներդրումների գրավիչ ուղղություն։

Հայերեն العربية English 中文

ՀՀ փոխվարչապետն ու Չեխիայի դեսպանը քննարկել են առևտրի, տրանսպորտի, հանքարդյունաբերության ոլորտներում իրականացվող ծրագրերի ընթացքը

Ռուբինյանը պարզաբանել է, թե ինչու Սահմանադրությունում Անկախության հռչակագրին հղում ներառելը տրամաբանական չի համարում

Երեխաների իրավունքների պաշտպանության ոլորտում դեռևս կան լուծում պահանջող հարցեր․ ՄԻՊ-ի ուղերձը Երեխաների համաշխարհային օրվա առթիվ

Ուկրաինան հրթիռների և ԱԹՍ-ների զանգվածային հարձակման է ենթարկվել

Արտաշատում բացվել է վերակառուցված ու վերազինված պոլիկլինիկա

Հիմնանորոգվել է Ախուրյան, Կառնուտ, Հովիտ, Բասեն և Ջրառատ բնակավայրերը կապող 14 կմ ճանապարհը

ԱԺ նախագահն ընդդիմությանը կոչ է արել չխոչընդոտել սահմանադրական հանրաքվեին և գլխավորել «Ոչ»-ի շտաբը

«Երևանյան բեսթսելեր». «Մայրական կաթ» գիրքն՝ առաջատար. թարգմանական. հոկտեմբեր, 2026

ՀՀ ԱԽ քարտուղարն ու Էստոնիայի դեսպանը քննարկել են համագործակցության խորացմանն առնչվող հարցեր

Հայաստանում հիմնվում է ռոբոտաշինության և ֆիզիկական արհեստական բանականության կենտրոն. ARCS-ai-ի նոր նախաձեռնությունը