Մակրոնը Կատարի էմիրի հետ զրույցում դատապարտել է իսրայելական հարվածները Դոհայում

Ֆրանսիայի նախագահ Էմանուել Մակրոնը հեռախոսազրույց է ունեցել Կատարի էմիր Թամիմ բին Համադ ալ-Թանիի հետ, որի ընթացքում ընդգծել է պաղեստինյան արմատական ​​ՀԱՄԱՍ շարժման հետ պատանդների ազատ արձակման վերաբերյալ բանակցությունները վերսկսելու անհրաժեշտությունը։ 

«Արմենպրես»-ի փոխանցմամբ՝ այս մասին Մակրոնը գրել է X սոցցանցի իր էջում։

I just spoke with the Emir of Qatar, Sheikh Tamim, following yesterday’s Israeli strikes in Doha.

I told him: these strikes are unacceptable. I condemn them. I reaffirmed France’s commitment to the sovereignty and security of Qatar.…

— Emmanuel Macron (@EmmanuelMacron) September 10, 2025

«Հենց նոր խոսեցի Կատարի էմիր շեյխ Թամիմի հետ։ Ես նրան ասացի՝ այս հարվածներն անընդունելի են։ Ես դատապարտում եմ դրանք։ Վերահաստատեցի Ֆրանսիայի հանձնառությունը Կատարի ինքնիշխանությանն ու անվտանգությանը»,- նշել է նա գրառման մեջ։

Մակրոնը նաև ցանկություն է հայտնել, որ ՀԱՄԱՍ-ի կողմից դեռևս պահվող բոլոր պատանդներն ազատ արձակվեն և վերսկսվեն բանակցությունները հրադադարի հաստատման շուրջ։

 «Գազայում այս մշտական ​​պատերազմական վիճակը չի կարող շարունակվել։

Երկու ժողովուրդ, երկու պետություն։ Խաղաղություն և անվտանգություն բոլորի համար»,- գրել է Մակրոնը։