Միրզոյանը շնորհավորել է ՄԹ նորանշանակ ԱԳ նախարարին և արդյունավետ համագործակցության համար շնորհակալություն հայտնել Դեյվիդ Լեմիին

Հայաստանի արտաքին գործերի նախարար Արարատ Միրզոյանը շնորհավորել է Իվետ Կուպերին Միացյալ Թագավորության արտաքին գործերի նախարարի պաշտոնում նշանակվելու առթիվ և արդյունավետ համագործակցության համար շնորհակալություն հայտնել Միացյալ Թագավորության արդեն նախկին նախարար Դեյվիդ Լեմիին, որը նշանակվել է ՄԹ փոխվարչապետ-արդարադատության նախարար։ 

«Արմենպրես»-ի փոխանցմամբ՝ Արարատ Միրզոյանն այդ մասին գրառումներ է արել X-ի իր միկրոբլոգում։ 

Շնորհավորելով Իվետ Կուպերին Միացյալ Թագավորության ԱԳ նախարարի պաշտոնում նշանակվելու առթիվ՝ Արարատ Միրզոյանը նշել է՝ ակնկալում է, որ միասին կաշխատեն Հայաստանի և Միացյալ Թագավորության միջև ռազմավարական գործընկերությունը խորացնելու, ինչպես նաև տնտեսական հարաբերությունները խթանելու ուղղությամբ։

Warm congratulations to @YvetteCooperMP on your appointment as UK Foreign Secretary!

I look forward to working together to further deepen the 🇦🇲🤝🇬🇧 Strategic Partnership, including boosting our economic relations. Wishing you every success in your new role. @FCDOGovUK

— Ararat Mirzoyan (@AraratMirzoyan) September 5, 2025

 «Ձեզ հաջողություն եմ մաղթում այս նոր պաշտոնում».- գրել է Միրզոյանը։ 

Շնորհակալություն հայտնելով Դեյվիդ Լեմիին ՄԹ արտաքին գործերի նախարարի պաշտոնում Հայաստանի հետ գործընկերությունը զարգացնելու ուղղությամբ նվիրված աշխատանքի համար ՝ Միրզոյանը նշել է, որ Հայաստանի և Միացյալ Թագավորության հարաբերություններն ամրապնդելու ուղղությամբ համատեղ աշխատելը իր համար մեծ պատիվ է եղել։ «Շնորհավորում եմ Ձեզ Միացյալ Թագավորության փոխվարչապետ-արդարադատության նախարարի պաշտոնը ստանձնելու առթիվ։ Ձեզ ամենայն հաջողություն եմ մաղթում այս նոր պաշտոնում»,- գրել է Արարատ Միրրզոյանը։

Thank you @DavidLammy for your commitment & partnership as UK Foreign Secretary. Working together to strengthen 🇦🇲–🇬🇧 relations has been a privilege. Congratulations on your new role as Deputy Prime Minister & Justice Secretary. Wishing you every success in this next chapter. pic.twitter.com/CgFpwtRQzs

— Ararat Mirzoyan (@AraratMirzoyan) September 5, 2025